| Шоонэн Манга буюу Хөвгүүдийн манга нь гол төлөв 10-18 насны уншигч хөвгүүдэд зориулагдсан ч охид, тэр ч байтугай насанд хүрсэн хүмүүс ч унших нь олонтаа харагддаг. Утга нь “Залуу xүмүүсийн комик” гэсэн утгатай. Ерөнхийдөө тулаан, хийсвэр, мөрөөдөл, амь эрсдсэн агуулгатай байдаг. Мөн ихэнх гол дүр нь нэг зорилгын төлөө тэмцдэг. Тухайлбал Нарүтогийн гол дүр Үзүмаки Нарүто нь Хокагэ болохын төлөө тулалддаг бол Цул Төмрөн Алхимичийн гол дүрүүд болох Эдвард болон Алфонсе нь өөрсдийн бүхий л алдсан зүйлсээ эргүүлэн олж авахын төлөө мөн алдсан биеэ буцааж олох гэж адал явдлыг туулдаг. 
Кишимото Масаши нь Японы манга зураач юм. Кишимото Масаши нь 1974 оны 11 сарын 8-нд Окаяма муж, Кацүта-гүн, Наги-чо гэх газарт төрсөн. Түүний зохиосон хамгийн алдартай манга цуврал нь Нарүто манга бөгөөд 1999 оноос Шоонэн Жамп сэтгүүлд хэвлэгдэн гарсан.
Нарүто манга цуврал маш сайн борлуулалтай байсан учраас анимэ буюу хүүхэлдэйн кино хэлбэр гарсан юм. Манганы гол дүр нь Үзүмаки Нарүто гэгч нинжа хүүгийн талаар гарах бөгөөд түүний мөрөөдөл нь хокагэ болох.
Хокагэ гэдэг нь манга дээр гарах Нууц Навч тосгоны удирдагч хүчтэй нинжаг хэлнэ. Уг манга нь анх 1999 онд Японы манга сэтгүүл болох Шоонэн Жамп сэтгүүлд хэвлэгдэн гарсан. Харин анимэ цувралууд нь 2002 оны 10 сарын 3-наас телевизүүдээр гарч эхэлсэн.  |
Post a Comment